|
بسم الله
الرحمن الرحيم
والصلاة والسلام على اشرف الأنبياء والمرسلين
أحبابنا زوار موقع عشانكـ
هنا في هذا الجزء من الموقع سيتم تعريفكم على أفضل مودم
DSL حسب تجربتنا الشخصية له
مودمنا المفضل هو النت قير (NETGEAR)
مودم بسيط الأعداد قوي الأداء لا تزيد حرارته ولا ينقطع
ولا يسبب مشاكل أثناء التصفح
صاحب شكل جذاب وانسيابي ولا يشكل وضعاً سيئاً مهما كان
موضعه في المنزل
أكثر شي يعجبك فيه هو قوته بالإرسال خلال تصفحك بالواير لس
سواء من لاب توب أو من ديسكتوب
واللي يريحك فيه طريقة إعداده اللي يسويها الطفل وهو مغمض
:)
واللي يعجبك فيه إن موقعه سهل ويعطيك التحديثات بسهوله
بدون ما تتعب
طبعا التجربة على نوعين من هالمودم
التجربة الأولى
بالبداية
تمت التجربة على المودم المسمى (DG834G)
وهالنوع يعتبر أميز المودمات القدامى للنت قير ويخدم إشارة
G فقط
بمعنى انه يخدم الاب توبات الحالية وبعض الموجودات
بالأسواق الآن
سرعة النقل فيه هي (54)
وقوة الإشارة لا باس فيها وتغطي بيت من ثلاث ادوار
بس الدور الثالث تخف فيه الإشارة وتوصل إلى (ضعيف - ضعيف
جداً)
ويتصفح بدون مشاكل يعني ما ضره قل الإشارة :)
التجربة الثانية
صارت على مودم يعتبر الأعلى والأحدث حالياً بالأسواق يعني
من تاريخ اليوم ( 2-6-2007م)
واسم هالمودم هو (DG834N)
طبعا يخدم
إشارة N اللي تعتبر أقوى إشارة
في المودم هذا
الفرق اللي بينه وبين مودمنا السابق إن هذا فيه 6 اناتل
داخليه والأول مافي إلا انتل واحد خارجي
حجم مودمنا هذا اكبر من حجم السابق بس شكله جذاب وانسيابي
الأول سرعة النقل فيه (54) ومودمنا الأخير سرعة النقل فيه
هي (270)
طبعا ما
ننسى نقول إن المودم هذا أو اللي قبله فيهم أربع منافذ
يعني تقدر تركب فيهم كيابل شبكة وتمدهم لأربع أجهزة من غير
الواير لس اللي يغطي المنطقة كلها اللي حوله
باقي نقطة أخيرة لازم نكون على علم فيها قبل ما نختار احد
المودمات
أولا
فيه مودم بين المودمين اللي ذكرناهم سابقاً اسمه (DG834PN)
فيه 3 اناتل داخلية
حجمه مناسب وهو اكبر من مودمنا الأول واصغر من مودمنا
الثاني
ماكتبت عنه لان صراحة ماجربته بس شريته لولد عمي :)
سرعة النقل فيه هي (108)
ثانيا
مودم (DG834G)
يخدم جميع أجهزة الاب توب الحالية واللي الواير لس فيها
بنظام G
سواء سرعة نقل أو قوة إشارة
يصلح لبيت صغير ولا فيه عوازل كثيرة أو
لشقة
كيبل الشبكة أسرع من الواير لس في هالمودم
كرت الواير لس للجهاز المكتبي رخيص تقريبا قيمته 130 ريال
ثالثاً
مودم (DG834N)
يخدم جميع أجهزة الاب توب الحالية اللي الواير لس فيها
بنظام G
يخدم جميع أجهزة الاب توب القادمة اللي
راح يكون فيها الواير لس بنظام N
او N1
بس ركز هنا !!!
لو عندك هالمودم ولاب توبك الواير لس فيه نظام G
راح يخدمك بقوة الإشارة بس
وسرعة النقل راح تبقى على (54) وهو بالأصل قادر يعطيك
270
هالمودم يصلح لبيت كبير وفيه عوازل
وأدور
سرعة الواير لس أسرع من سرعة كيبل الشبكة
كرت الواير لس للجهاز المكتبي غالي وتقريباً قيمته بالسوق
حالياً 400 ريال
وإذا بغيت واير لس للاب توب موجود كرت خارجي قيمته 420
ريال تقريباً
ومن نفس شركة النت قير :)
الحين بوريكم مودم (DG834N) من
نفس موقعه
تفضلوا
هـــنـــا
شف شكله ومواصفاته كان لغتك الإنجليزية
زينه :)
وهـــنـــا
صفحة التحديثات
كل ما عليك انك تختار موديل المودم اللي عندك ويعطيك آخر
تحديث :)
إذا نفس اللي عندك تعوذ من ابليس ولا تحوس مودمك
إذا شفته أعلى من اللي عندك حمله وسو تحديث لمودمك ..
وإن شاء الله عن قريب راح انزل لكم في نفس هالصفحة طريقة
إعداد المودم وطريقة تحميل التحديث وتركيبه عالمودم
لكم احترامنا
إدارة موقع عشانكـ
|
